ماني بسائل مع مين تخونيني ؟؟

من طرف **Rejo** الأحد سبتمبر 04, 2011 4:57 pm

ماني بسائل مع منهو تخونيني؟؟
بس بسألك من متى وانتي تخونيني؟؟

قبل امس ..كله معي للصبح سهرانه
والبارحه..اذكر ابرقد ما تخليني

واليوم اشوفك معه يدك وسط يده
وامر قدامك ولا كنك تعرفيني

وشلون؟ابفهم تعالي واشرحي ليه
نسيتي..لا مستحيل إنك نسيتيني

ما مداك تنسين..!!يمكنك تناسيتي
وانا الذي كل ما ضاقت ذكرتيني

العام جيتي ودمعك مغرق جيبك
قلتي..خذني على صدرك وغطيني

ما كنت اخذلك إليا منك طلبتيني
وانا قبل ما اطلبك وانتي خذلتيني

في عز ما احتجت لك في ضيقة الدنيا
جيتك ابي فزعتك لكن طعنتيني

للحين اكذب كل اللي حصل قدامي
ماني بقادر اصدق لا تلوميني

حتى الشعر والقصيد اللي خبرك
احس عقبك ابد ما عاد يعنيني

كتبت فيك الوفا..والصدق والطيبه
قصايد للاسف بتطيح من عيني

ومحتاجلك بالحيل والله يقطع الحاجه
آخر قصيدة بعد منتي تركتيني

عرفتي الفرق بين الشعر والشاعر
بس ما عرفتي وش اللي مأثر فيني

احساسي اللي ذبحني وراح يذبحني
واللي يبي يقلب الدنيا على سنيني

الناس..تسمع قصيدي فيك وتصفق
وانا اتذكرك......يوم إنك تخونيني!!!!

سلامتكم ماني بسائل مع مين تخونيني ؟؟ Cool

انشالله عجبتكم القصيدة